“Çelsi” Moyses Kaysedoya yeni müqavilə təklif edəcək

“Çelsi” klubu yaxın zamanda dayaq yarımmüdafiəçisi Moyses Kaysedoya təkmilləşdirilmiş şərtlərlə yeni müqavilə təklif etməyə hazırlaşır.

90deqiqe.Az “TEAMtalk”a istinadən xəbər verir ki, London klubu bu addımla eyni zamanda futbolçuya maraq göstərən Madrid “Real”ının diqqətini yayındırmaq niyyətindədir.

 “Çelsi” rəhbərliyi Kaysedonun gələcəyi ilə bağlı narahat deyil, baxmayaraq ki, futbolçu son vaxtlar menecerini dəyişib.

Qeyd edək ki, ekvadorlu yarımmüdafiəçi 2023-cü ildə “Brayton”dan “Çelsi”yə 116 milyon avro qarşılığında transfer olunub.

23 yaşlı futbolçu cari mövsümdə bütün turnirlərdə 9 oyunda iştirak edib və 3 qolla yadda qalıb.