“Premyer Liqaya gözlədiyimdən daha tez uyğunlaşıram”

“Çelsi”nin hücumçusu Estevao Villian, yayda klub sıralarına qoşulduqdan sonra Premyer Liqaya adaptasiyası barədə danışıb.

90deqiqe.Az xəbər verir ki, braziliyalı futbolçu bu barədə jurnalistlərə açıqlama verib.

“Gözlədiyimdən daha tez uyğunlaşıram. Burada söhbət Premyer Liqasının üslubundan, Mareskanın oyun tərzindən və Avropa futbolundan gedir. Meydan xaricində isə mədəniyyət fərqlidir, amma mən İngilis mədəniyyətini çox bəyənirəm”

18 yaşlı futbolçu "Palmeyras"dan 45 milyon avro qarşılığında transfer olunub. “Çelsi”də Estevao indiyə qədər 9 oyunda çıxış edib, bir qol və bir asistlə yadda qalıb.

Qeyd edək ki, Premyer Liqanın 7 turundan sonra “Çelsi” 11 xalla 7-ci yerdə qərarlaşıb.