"Serie A Premyer Liqadan pis deyil"

“Mançester Siti”nin qapıçısı Canluici Donnarumma çıxış etdiyi liqalar barədə fikirlərini bölüşüb.

90deqiqe.Az xəbər verir ki, “La Gazzetta dello Sport” italyan qolkiperin dediklərini belə çatdırıb.

“Fərqli futbol reallıqlarını yaşamaq mənim üçün xoşbəxtlik olub – Liqa 1-dən tutmuş, yaxın zamanda qoşulduğum Premyer Liqayadək. Kənardan baxanda deyə bilərəm ki, bizim italiyan futbolu heç də digərlərindən geri qalmır. İngiltərədə birinci dəqiqədən sonadək temp düşmür. İtaliyada bu, bir qədər fərqlidir, amma bu, hansısa liqanın daha yaxşı və ya pis olduğu anlamına gəlmir. Sadəcə, oyun tərzi fərqlidir”

Qeyd edək ki, Donnarumma bu ilin payızında PSJ-ni tərk edərək “Mançester Siti”yə transfer olunub. İtaliyalı qolkiper yeni klubunda 6 oyuna çıxıb və 4 qol buraxıb.