“Ümid edirəm, Stounz zədələrini artıq arxada qoyub”

“Mançester Siti”nin baş məşqçisi Xosep Qvardiola müdafiəçi Con Stounzun zədələrdən tam bərpa olunub-olunmaması ilə bağlı suala cavab verib.

90deqiqe.Az xəbər verir ki, “City Report” ispan çalışdırıcının dediklərini belə çatdırıb.

“Ümid edirəm ki, bəli. Onun müqaviləsi yayda başa çatır? Bu barədə məndən soruşmayın, qərarı klub verəcək. Trebl qazandığımız mövsümdə o, inanılmaz idi, lakin o vaxtdan bəri sabit çıxış edə bilmir, dəfələrlə zədə alıb. Gözləyək və görək” 

Qeyd edək ki, Con Stounz 2016-cı ildən “Mançester Siti”nin heyətində çıxış edir. 31 yaşlı müdafiəçi cari mövsümdə bütün turnirlərdə 6 oyuna çıxıb və məhsuldar göstərici ilə fərqlənməyib.