“O, çox vacibdir, amma..."

Premyer Liqanın son turunda “Mançester Siti” doğma meydanda “Everton” üzərində 2:0 hesabı ilə qələbə qazanıb. Hər iki qol norveçli hücumçu Erlinq Halandın hesabına yazılıb.

90deqiqe.Az “BBC”ə istinadən xəbər verir ki, matçdan sonra baş məşqçi Xosep Qvardiola Haalandın çıxışını şərh edib:

“Onun dörd-beş qol vurmaması məni məyus etdi. Amma tamamilə yalnız Haalanda güvənə bilmərik. O, həmişə öz yerindədir, lakin digər oyunçular da fərqlənməlidir. Qanad oyunçuları və hücum yarımmüdafiəçiləri də qol vurmalıdır, yoxsa hədəfimizə çata bilməyəcəyik. Erlinq çox vacibdir, amma digər oyunçuların da istedadı var və onlar imkanları reallaşdırmalıdır”

Qələbə sayəsində “Mançester Siti” cədvəldə liderliyə yüksəlib və “Arsenal”la xallarını bərabərləşdirib, lakin “topçular” hələ oyunlarını başa vurmayıb.