"Abramoviçin “Çelsi”dən çıxarılması ədalətsizdir"

“Çelsi”nin sabiq müdafiəçisi Con Terri klubun sabiq sahibi Roman Abramoviçin satılmağa məcbur edilməsinə etiraz edib.

90deqiqe.Az-ın məlumatına görə, “The Obi One Podcast”də danışan Terri bunlar bildirib:

“Bu, olduqca məyusedicidir. Roman karantin dövründə və Milli Sağlamlıq Xidmətinə göstərdiyi dəstək fantastik idi: o, ‘Stamford Bric’i bütün tibb işçilərinə açdı və bu çətin dönəmdə insanlara ev verdi. O, sadəcə möhtəşəm, gözəl ürəkli bir insan idi, futbol klubumuzu sevirdi və xoşbəxtlikdən başqa bir klub almaqdan imtina etdi, doğru qərar verərək bizimkini aldı.”

Qeyd edək ki, Abramoviç 2003-cü ildən “Çelsi”nin sahibi olub. Klubun satışı 2022-ci ilin fevral hadisələrindən sonra baş tutub. 2025-ci ilin yayında Abramoviçin əldə etdiyi 3,4 milyard dollar dondurulub və Böyük Britaniyada hələ onun istifadəsi barədə razılıq əldə edilməyib. Vəsait humanitar məqsədlə Ukraynaya göndərilməli idi.