“Keyn mənim üçün dünyanın ən yaxşı hücumçusudur”

“Tottenhem”in hücumçusu Matis Tel Münhen “Bavariya”sının lideri Harri Keyn haqqında fikirlərini bölüşüb.

90deqiqe.Az xəbər verir ki, fransalı futbolçu bildirib ki, alman klubunun ulduzu ona hücumda oyununu təkmilləşdirmək üçün tez-tez məsləhətlər verir.

“O, mənimlə vaxt keçirir, danışır və izah edir ki, necə daha yaxşı hücumçu ola bilərəm. Mənim üçün o, dünyanın ən yaxşı hücumçusudur. Bu mövsüm 13 oyunda 21 qol vurub. O, həmçinin çox yaxşı insandır.”

Qeyd edək ki, Harri Keyn 2023-cü ilin yayında “Bavariya”ya transfer olunub. İngilis futbolçu Münhen klubunun heyətində 107 oyunda iştirak edərək 104 qol və 29 məhsuldar ötürmə ilə yadda qalıb. Hazırda Transfermarkt portalı Keynin qiymətini 75 milyon avro göstərir.