Amorim Premyer Liqa tarixində nadir uğura nail oldu

“Mançester Yunayted” azarkeşlərini sevindirib. 

90deqiqe.Az-ın məlumatına görə, komanda Premyer Liqanın VIII turunda səfərdə “Liverpul”u 2:1 hesabı ilə məğlub edib. Bu nəticə ilə “qırmızı şeytanlar” ardıcıl ikinci mövsümdə səfərdə mövcud çempionu üstələməyi bacarıb.

Maraqlı statistikaya əsasən, Ruben Amorim Premyer Liqada ardıcıl iki səfər oyununda mövcud çempionu məğlub edən üçüncü baş məşqçi olub. Bundan əvvəl bu uğuru Manuel Pelleqrini və Antonio Konte qazanmışdı.

Ötən mövsümdə “Mançester Yunayted” eyni hesabla – 2:1 – “Mançester Siti”nin meydanında qalib gəlmişdi.

Hazırda “Mançester Yunayted” Premyer Liqanın turnir cədvəlində 9-cu pillədə qərarlaşıb.