Fernandeş “Mançester Yunayted” tarixində ilk beşliyə düşdü

İngiltərə Premyer Liqasının 8-ci turunda keçirilən mərkəzi qarşılaşmada “Mançester Yunayted” öz meydanında “Liverpul”u 2:1 hesabı ilə məğlub edib.

90deqiqe.Az “Opta”ya istinadən xəbər verir ki, qarşılaşmanın həlledici qolu 84-cü dəqiqədə müdafiəçi Harri Maqvayr tərəfindən vurulub. Qələbə gətirən epizodda qol ötürməsini 31 yaşlı portuqaliyalı yarımmüdafiəçi Bruno Fernandeş edib. Bu ötürmə Fernandeşin “Mançester Yunayted” forması ilə Premyer Liqada 52-ci asssisti olub.

Bu göstərici ilə Bruno Fernandeş klubun Premyer Liqa tarixində ən çox qol ötürməsi edən futbolçular arasında ilk beşliyə daxil olub. Onun önündə yalnız Rayan Giqqz (162 assist), Ueyn Runi (93), Devid Bekhem (80) və Pol Skoulz (55) yer alır.

Fernandes “Mançester Yunayted”ə 2020-ci ilin yanvarında Portuqaliyanın “Sportinq” klubundan 60 milyon avro qarşılığında transfer olunub. O, komanda ilə birlikdə İngiltərə Kuboku (2024) və Liqa Kubokunun (2023) qalibi olub.