“Bu qələbə mənim üçün xüsusi əhəmiyyət daşıyırdı”

“Mançester Yunayted”in müdafiəçisi Harri Maquayr İngiltərə Premyer Liqasının VIII turunda “Liverpul”u 2:1 hesabı ilə məğlub etdikləri oyundan sonra fikirlərini bölüşüb. 

90deqiqe.Az xəbər verir ki, “BBC” ingilis futbolçunun dediklərini belə çatdırıb.

“Mən burada artıq yeddi ildir, ona görə də bu qələbə mənim üçün çox önəmli idi. Hazırda son müqavilə ilimdir və ola bilsin ki, bu, ‘Enfild”də ‘Mançester Yunayted’ forması ilə çıxış etdiyim son matç idi. Ona görə də buraya gəlib bu görüşü qələbə ilə başa vurmaq mənim üçün çox vacib idi.”

Qeyd edək ki, matç oktyabrın 19-da “Enfild” stadionunda keçirilib və görüşü baş hakim Maykl Oliver idarə edib. “Mançester Yunayted” “Enfild”də sonuncu dəfə “Liverpul” üzərində 2016-cı ilin yanvar ayında qələbə qazanmışdı (1:0). Cari mövsümdəki matçda isə Maguayr 84-cü dəqiqədə qələbə qolunu vurub. Müdafiəçinin klub ilə müqaviləsi 2026-cı ilin yayında başa çatacaq.