Mançester Yunayted'də ciddi itkilər

Mançester Yunayted İngiltərə Premyer Liqasının 5-ci turunda “Lester”lə görüşə ciddi itkilərlə çıxacaq.

Corner.az klubun rəsmi saytına istinadən xəbər verir ki, komandanın 4 futbolçusu bu oyunda komandasına kömək edə bilməyəcək.Pol Poqba, Antoni Marsial, Erik Bayi və  Lyuk Şou zədə səbəbindən heyətdə yerini almayacaqlar.

Komandanın baş məşqçisi Ole-Qunnar Sulşer zədəlilər barədə açıqlama verib: “Onların nə vaxt qayıdacağı məlum deyil. Hazırda əsas heyətdə kimlərin yer alacağını demək mənim üçün çox çətindir. Ümid edirəm ki, gələn həftə “Vest Hem”lə matça qədər Pol Poqba və Antoni Martialın zədələri sağalacaq”.

Qeyd edək ki, "Mançester Yunayted" - "Lester" matçı sentyabrın 14-də keçiriləcək.