İngiltərə Futbol Assosiasiyası “Nyuport Kaunti”nin futbolçusu Rayan İnnissə 5 oyunluq cəza verib.
Corner.az xəbər verir ki, bu barədə qurumun mətbuat xidməti məlumat yayıb.
Məlumatda bildirilir ki, buna səbəb futbolçunun "Vest Hem"in U-23 kollektivi ilə görüşdə rəqibini dişləməsi olub. O, 4:5 hesabı ilə məğlub olduqları Futbol Liqası Kuboku matçına görə belə cəzaya məruz qalıb.
Əvvəlcə futbolçu 3 oyunluq cəzalandırılıb, sonra isə FA bunu yetərli saymayıb və cəzanı 5 oyuna yüksəldib.
