“Ümid edirəm, “Arsenal” nə vaxtsa qol buraxacaq”

“Mançester Siti”nin baş məşqçisi Xosep Qvardiola “Arsenal”ın Premyer Liqadakı təmiz oyun seriyasına münasibət bildirib.

90deqiqe.Az “Sky Sports”a istinadən xəbər verir ki, ispan mütəxəssis “topçular”ın 7 oyundur qapısından top buraxmamasına diqqət çəkib:

“Ümid edirəm, “Arsenal” bir gün qol buraxar. Ötən mövsümdə bizdə olmayan enerji indi komandada var. Klub dünya çempionatından sonra hiss edirəm ki, biz anı yaşayırıq. Hələ 28 oyun var, çox şey dəyişə bilər. Əsas olan odur ki, yaxın qalaq və daha güclü olaq.”

“Arsenal”ın müdafiə seriyası “Börnli” (2:0), “Olimpiakos” (2:0), “Vest Hem” (2:0), “Fulhem” (1:0), “Atletiko” (4:0), “Kristal Pelas” (1:0) və “Brayton” (2:0) oyunlarını əhatə edir.

Turnir cədvəlində “Arsenal” 25 xalla 1-ci, “Mançester Siti” isə 19 xalla 2-ci yerdə qərarlaşıb.