Oriol Romeu yenidən “Sauthempton”a qayıtdı

İngiltərənin “Sauthempton” klubu yarımmüdafiəçi Oriol Romeunun komandaya geri döndüyünü açıqlayıb.

90deqiqe.Az-ın məlumatına görə, bu barədə klubun mətbuat xidməti məlumat yayıb.

34 yaşlı futbolçu 2025/2026 mövsümünün sonunadək qüvvədə olacaq müqaviləyə imza atıb.

Romeu son aylarda klubsuz idi. O, daha əvvəl 2015–2022-ci illər aralığında “Sauthempton”un formasını geyinib. Həmin dövrdə ispaniyalı yarımmüdafiəçi 256 rəsmi oyunda iştirak edib, səkkiz qol vurub və yeddi məhsuldar ötürmə ilə yadda qalıb.

Hazırda “Sauthempton” İngiltərə Çempionşipinin turnir cədvəlində 19-cu pillədə qərarlaşıb.