“Mançester Yunayted”in baş məşqçisi azarkeşin “saç vədi”nə cavab verdi

“Mançester Yunayted”in baş məşqçisi Ruben Amorim klubun azarkeşi Frenk İlletin maraqlı vədiyə dair sualını cavablandırıb.  

90deqiqe.Az-ın "Men in Blazers" nəşrinə istinadən məlumatına görə, portuqaliyalı mütəxəssis bu barədə zarafatla belə deyib:

“Ah, bilmirəm! Nə vaxtsa o, saçını kəsəcək. Amma nə vaxt — bunu demək çətindir. Gəlin əvvəlcə növbəti oyunu qazanaq, sonra görərik. Açığı, mən ümid edirəm ki, o, mümkün qədər tez saçını kəsə biləcək”

Qeyd edək ki, azarkeş daha əvvəl söz vermişdi ki, komanda ardıcıl beş qələbə qazanmayınca saçını kəsməyəcək.İngiltərə Premyer Liqasının 10-cu turunda “Nottingem Forest”lə 2:2 hesablı bərabərlikdən əvvəl “Mançester Yunayted” ardıcıl üç qələbə qazanmışdı.“Qırmızı şeytanlar” bu müddətdə “Brayton”u (4:2), “Liverpul”u (2:1) və “Sanderlend”i (2:0) məğlub edib.