Mak Allister “Liverpul”da qalmağa qərarlıdır

“Liverpul”un yarımmüdafiəçisi Aleksis Mak Allister komandadakı vəziyyətindən tam razılıq ifadə edib.

90deqiqe.Az “Football Insider”ə istinadən xəbər verir ki, dünya çempionu Merseyside klubunu tərk etməyi düşünmür, baxmayaraq ki, Madridin “Real” klubu futbolçuya ciddi maraq göstərir.

Əvvəlki xəbərlərdə bildirilirdi ki, “kral klubu” yanvarda 26 yaşlı futbolçu ilə maraqlanacaq.

Cari mövsümdə argentinalı bütün turnirlərdə 15 oyuna çıxıb, 1 qol vurub və 2 məhsuldar ötürmə edib. Onun “Liverpul” ilə müqaviləsi 2028-ci ilə qədərdir, Transfermarkt-a görə isə futbolçunun bazar dəyəri 100 milyon avro təşkil edir.