“Mançester Yunayted” “Tottenhem”lə heç-heçə etdi

İngiltərə Premyer Liqasının XI turu çərçivəsində keçirilən “Tottenhem” – “Mançester Yunayted” qarşılaşması 2:2 hesablı bərabərliklə nəticələnib.

90deqiqe.Az xəbər verir ki, görüş Londonun “Tottenhem Hotspur” stadionunda baş tutub. Oyuna Samuel Barrott başçılıq edib.

Qarşılaşmanın 32-ci dəqiqəsində qonaqların hücumçusu Briyan Mbemo hesabı açıb. 84-cü dəqiqədə Matis Tel “Tottenhem”i məğlubiyyətdən xilas edib. Matçın son anları isə dramatik alınıb – 90+1-ci dəqiqədə Rişarlisson meydan sahiblərini önə çıxarsa da, 90+6-cı dəqiqədə Matteys de Liqt yenidən tarazlığı bərpa edib.

Bu nəticədən sonra hər iki komandanın aktivində 18 xal var. “Tottenhem” turnir cədvəlində üçüncü, “Mançester Yunayted” isə yeddinci pillədə qərarlaşıb.