"Mançester Siti" “Liverpul”u darmadağın etdi

İngiltərə Premyer Liqasının XI turunda “Mançester Siti” öz meydanında “Liverpul”u qəbul edib.

90deqiqe.Az-ın məlumatına görə, “Etihad” stadionunda baş tutan görüşdə meydan sahibləri 3:0 hesabı ilə qalib gəlib.

Oyun 13-cü dəqiqədə “qırmızılar”ın qapısına penalti təyin edilib, lakin Corc Mamardaşvili Erik Holandın zərbəsini əngəlləyib. 29-cu dəqiqədə Holand hesabı açaraq “şəhərlilər”i önə çıxarıb. İlk hissənin əlavə vaxtında, 45+3-də, Niko Qonsales üstünlüyü ikiqat artırıb. 63-cü dəqiqədə Jeremy Doku ev sahiblərinin üçüncü qolunu vurub.

Bu qələbədən sonra “Mançester Siti” 22 xalla Premyer Liqada ikinci sırada qərarlaşıb. “Liverpul” isə 18 xalla 8-ci pillədədir. Turnir cədvəlinin lideri “Arsenal”dır (26 xal).