“Liverpul" qarşısında mininci matçım mənim üçün xüsusi an oldu”

“Mançester Siti”nin baş məşqçisi Xosep Qvardiola məşqçi karyerasında mininci matçını “Liverpul”a qarşı keçirib və komanda 3:0 hesablı qələbə qazanıb.

90deqiqe.Az xəbər verir ki, ispaniyalı çalışdırıcı bu barədə jurnalistlərə açıqlama verib.

“Oyunçulara və bütün heyətə təşəkkür edirəm – bu mənim üçün gözəl hədiyyə oldu. ‘Mançester Siti’də gördüyüm işlə fəxr edirəm. Karyeramın əsaslarını ‘Barselona’nın ikinci komandasında qoymuşdum, o vaxt çox şey öyrəndim. Mininci matçı ailəmin gözü qarşısında keçirmək isə xüsusi an oldu. Xüsusilə ‘Liverpul’ kimi komandaya qarşı, onlara böyük hörmətim var. Son on il ərzində ən güclü rəqibimizdir.”

İspaniyalı mütəxəssis hazırda “Mançester Siti”də 2016-cı ildən çalışır.