Harvi Elliot “Liverpul”a qayıda bilər

“Aston Villa”nın hücum yarımmüdafiəçisi Harvi Elliot icarə müddətini yarımçıq bitirərək “Liverpul”a qayıda bilər.

90deqiqe.Az “Football Insider”ə istinadən xəbər verir ki, 22 yaşlı futbolçu klubda kifayət qədər oyun praktikası ala bilmir. Son üç Premyer Liqa matçında Elliot heyətə daxil edilməyib.

Qərarın “Aston Villa” üçün də yaxşı xəbər ola biləcəyi bildirilir, çünki klub yarımmüdafiəçidən artıq istifadə etməyi planlaşdırmır.

Cari mövsümdə Elliot “Aston Villa” ilə bütün turnirlərdə 6 oyunda iştirak edib və 1 qol vurub. Futbolçunun “Liverpul”la müqaviləsi 2027-ci ilin yayına qədər qüvvədədir.