Qabriel "Arsenal"ın oktyabr ayının ən yaxşı oyunçusu seçildi

“Arsenal”ın müdafiəçisi Qabriel dos Santos komandanın oktyabr ayı üzrə ən yaxşı futbolçusu seçilib.

90deqiqe.Az-ın məlumatına görə, bu barədə klubun rəsmi saytı azarkeşlər arasında keçirilən səsvermənin nəticələrinə istinadla məlumat yayıb.

27 yaşlı oyunçu ötən ay “kanonirlər”in heyətində rəsmi qarşılaşmalarda bir qol və iki məhsuldar ötürmə ilə yadda qalıb. Braziliyalı Çempionlar Liqasında “Atletiko”nun qapısına yol tapıb və həmin görüşdə həmçinin bir asist də edib. Müdafiəçinin digər məhsuldar ötürməsi Premyer Liqada “Fulhem”lə oyunda qeydə alınıb.

Hazırda “Arsenal” İngiltərə Premyer Liqasının lideridir. Komanda 11 turdan sonra 26 xal toplayıb və ikinci pillədəki “Mançester Siti”ni dörd xal qabaqlayır.