“Qış transferləri hazırda mənim üçün mövzu deyil”

“Liverpul” yay transferlərində 500 milyon avroya yaxın vəsait xərcləyib və klub bazarda aktiv qalmağa davam edə bilər.

90deqiqe.Az-ın məlumatına görə, Mersisayd təmsilçisinin baş məşqçisi Arne Slot bu mövzuya münasibət bildirib.

“Qış transferləri? Bu sualı gözləmirdim, yanvara qədər çox oyun var. Hazırda mənim düşündüyüm mövzu deyil. Ola bilsin, direktor Xyuz bu barədə düşünür. Bizdə üç mərkəz müdafiəçisi var, həmçinin Gravənberx və Endo da oynaya bilər. Ola bilsin ki, fərq etməmisiniz, amma komandada digər mövqelər var ki, daha çox diqqət tələb edir.”

Hazırda “Liverpul” Premyer Liqada səkkizinci pillədə qərarlaşıb.