“O, komandamız üçün əvəzolunmazdır”

“Çelsi”nin baş məşqçisi Enzo Mareska oyunçu Koul Palmerin yeni barmaq zədəsi barədə açıqlama verib.

90deqiqe.Az xəbər verir ki,  "Nizaar Kinsella" təcrübəli çalışdırıcının dediklərini belə çatdırıb.

“Bizim üçün Koul elə vacibdir, necə ki, Holan “Mançester Siti”də, Salah isə “Liverpul”da. Belə oyunçular olmadan komanda artıq eyni olmur. Oyunçularımızla fəxr edirəm, çünki Palmer olmadan da yüksək səviyyədə çıxış edirlər”

Futbolçu sentyabrdan bəri meydana çıxmamışdı və qayıtmaq üzrə idi, lakin evdə aldığı ciddi zədəyə görə yenidən sıradan çıxıb.

Bu gün “Çelsi” Premyer Liqada səfərdə “Börnli” ilə üz-üzə gələcək. Oyun Bakı vaxtı ilə 16:30-da start götürəcək.