“Uduzmaq xoş deyil, amma irəli baxmalıyıq”

Premyer Liqanın 12-ci turunda “Mançester Siti” səfərdə “Nyukasl”a 1:2 hesabı ilə uduzub.  Matçdan sonra “şəhərlilərin” sağ cinah oyunçusu Mateus Nunes açıqlama verib.

90deqiqe.Az xəbər verir ki, "City Xtra" 27 yaşlı futbolçunun dediklərini belə çatdırıb.

“Bu gün bizə uğur gətirmədi. İmkanlarımız oldu, amma lazımınca yararlana bilmədik. Bunun xüsusi izahı yoxdur. Uduzmaq heç vaxt xoş deyil. Amma ən yaxşı tərəfi odur ki, yaxın günlərdə yeni oyuna çıxırıq və diqqətimizi ora yönəltməliyik. Çempionat uzun marafondur və biz titul savaşında olacağıq”.

Harvi Barnsın dublu meydan sahiblərinə üç xal qazandırıb. “Siti”nin qolunu 68-ci dəqiqədə Ruben Diaş vurub.

Xatırladaq ki, “Mançester Siti” 25 noyabrda Çempionlar Liqasında “Bayer”lə qarşılaşacaq.