“Arsenal” derbidə “Tottenhem”i darmadağın etdi

İngiltərə Premyer Liqasının XII turunda “Arsenal” doğma meydanda “Tottenhem”i qəbul edib.

90deqiqe.Az-ın məlumatına görə, “Emirates” stadionunda baş tutan derbi “topçular”ın 4:1 hesablı qələbəsi ilə yekunlaşıb. 

Hesab 36-cı dəqiqədə Leandro Trossarın qolu ilə açılıb. Beş dəqiqə sonra — 41-ci dəqiqədə Ebereçi Eze fərqi iki topa çatdırıb. Hücumçu ikinci hissənin ilk dəqiqəsində də fərqlənərək dubla imza atıb. “Tottenhem” 55-ci dəqiqədə Riçarlisonun mərkəzdən vurduğu qolla hesabı 3:1 edib. Lakin 76-cı dəqiqədə Eze növbəti dəfə meydanda sözünü deyib və het-trikini rəsmiləşdirib.

Qələbədən sonra “Arsenal” 29 xalla Premyer Liqanın liderliyinə yüksəlib. “Tottenhem” isə 18 xalla turnir cədvəlinin 9-cu pilləsində qərarlaşıb.