"Bu, karyeramın ən pis mövsümü idi"

“Mançester Siti”nin müdafiəçisi Yoşko Qvardiol komandanın ötən mövsümdəki uğursuz çıxışı barədə danışıb.

90deqiqe.Az xəbər verir ki, futbolçu bildirib ki, geridə qalan mövsüm onun karyerasındakı ən çətin dönəmlərdən biri olub:

“Bu, karyeramın ən pis mövsümü idi. Həqiqətən ağır keçdi. Yadımdadır, mövsüm ərzində çox vaxt yata bilmirdim, çünki komandaya necə kömək edə biləcəyimi düşünürdüm. Bəzən hər şey istədiyin kimi alınmır. Şadam ki, artıq bütün bunlar geridə qalıb və biz yaxşı şəkildə toparlana bilmişik. Futbolun gözəl tərəfi odur ki, hər üç gündən bir yeni oyun olur və bu, iki gün əvvəl baş verənləri unutmağa imkan verir. Bu, artıq yeni mövsümdür və komandadakı atmosfer də xeyli dəyişib”

Qeyd edək ki, noyabrın 25-də, çərşənbə axşamı “Mançester Siti” Çempionlar Liqasında “Bayer”i qəbul edəcək.