“Donnarumma cəzalansa belə, komandada problem olmayacaq”

“Mançester Siti”nin qapıçısı Canluici Donnarumma “Nyukasl”la oyunda etirazlarına görə sarı vərəqə alıb.

90deqiqe.Az xəbər verir ki, bu, italiyalı qolkiperin Premyer Liqadakı mövsümdə üçüncü xəbərdarlığı olub. Məsələ ilə bağlı komandanın baş məşqçisi Xosep Qvardiola açıqlama verib və Donnarummanın ehtimal olunan cəzalandırılmasının onu narahat etmədiyini bildirib.

“Donnarumma öz mövqeyini müdafiə etməlidir. Əgər sarı vərəqə alıbsa, deməli, alıb. Lazım olsa, Ceyms Trafford oynayacaq”, – Qvardiola mətbuat konfransında deyib.

Qeyd olunur ki, qapıçı oyundakı epizodda vurulan qoldan əvvəl ona qarşı qayda pozuntusunun olduğunu düşünərək hakimə etiraz edib. İngiltərə Premyer Liqasının qaydalarına əsasən, futbolçu mövsümdə beş sarı vərəqə topladıqdan sonra bir oyunluq diskvalifikasiya olunur.