“Mükəmməl deyiləm, səhvlər edirəm”

“Mançester Siti”nin baş məşqçisi Xosep Qvardiola “Nyukasl” məğlubiyyətindən sonra operatorla yaşadığı gərginliyə münasibət bildirib.

90deqiqe.Az xəbər verir ki, ispaniyalı baş məşqçi bazar ertəsi keçirilən mətbuat konfransında həmin epizodu şərh edərək davranışından peşman olduğunu vurğulayıb:

“Bu görüntülərə baxanda utanıram, özümü narahat hiss edirəm. Belə şeyləri xoşlamıram. Operatordan üzr istəyirəm. Mən olduğum kimi biriyəm. Min oyun keçirsəm də, mükəmməl deyiləm və səhvlər edirəm. Mən sadəcə komandamı və klubumu qoruyuram”

Hazırda Qvardiola “Mançester Siti”ni Çempionlar Liqasının növbəti oyununa – “Bayer”lə ev görüşünə hazırlaşdırır. Qarşılaşma noyabrın 25-də, Bakı vaxtı ilə 00:00-da start götürəcək.