“Şounun bu cür oynaması vaxt itkisidir”

“Mançester Yunayted”in sabiq müdafiəçisi və İngiltərə millisinin keçmiş üzvü Qari Nevill Premyer Liqanın 12-ci turunda “Everton”a qarşı oyundan (0:1) sonra komandanın sol cinah müdafiəçisi Lük Şou barədə sərt fikir bildirib.

90deqiqe.Az xəbər verir ki, "Sky Sports” sabiq futbolçunun dediklərini belə çatdırıb.

“10 nəfərə qarşı oynamaq asan deyil, amma daha sürətli hərəkət etməlisən, mümkün qədər çox oyunçunu ön xətə göndərməlisən. Şou irəli hərəkət etməyə başlayır, amma bunu çox ləng edir. Belə olmaz. Hər dəfə irəli qaçmalısan, laqeyd görüntü yaratmamalısan. Bu, vaxtın boş yerə itirilməsidir.”

Lük Şou bu mövsüm Premyer Liqada 12 oyunda iştirak edib və bir məhsuldar ötürmə ilə yadda qalıb.