“Estevao ilə bağlı "Barselona" ilə danışıqlar aparmışıq”

“Çelsi”nin hücum yarımmüdafiəçisi Estevao ilə işləyən agent Andre Küri “Barselona” ilə keçmiş kontaktlardan danışıb.

90deqiqe.Az-ın məlumatına görə,"Cadena SER" agentin dediklərini belə çatdırıb.

“2021, 2022, 2023 və 2024-cü illərdə Estevao ilə bağlı ‘Barselona’ ilə danışmışıq. Oyunçunu təqdim etmək üçün ofislərinə getdik, çünki mən inanıram ki, onun dünya futbolunda böyük gələcəyi var. ‘Barselona’ maliyyə baxımından sabit deyildi və əlbəttə ki, o vaxt müqavilə bağlamaq mümkün deyildi. Bu, kədərlidir, amma belədir futbolda. Texniki heyət ‘Barselona’da həmişə Estevaonun transferinə razılıq verirdi, amma Deku maliyyə imkanları olmadığı üçün hərəkət edə bilmirdi”

Qeyd edək ki, “Çelsi” çərşənbə axşamı UEFA Çempionlar Liqasının matçında “Barselona”nı 3:0 hesabı ilə məğlub edib və Estevao bu qələbədə bir qolun müəllifi olub.