Daniyel Farkeyin “Lids”dəki gələcəyi sual altındadır

İngiltərə Premyer Liqasında çıxış edən “Lids”in baş məşqçisi Daniyel Farkeyin postu risk altındadır.

90deqiqe.Az-ın "İndykaila News"a istinadən məlumatına görə, yaxın günlərdə klub rəhbərliyi Farkeyin gələcəyi ilə bağlı görüş keçirəcək. Baş məşqçinin istefası barədə söz-söhbətlər uzun müddətdir dolaşır, lakin indi onun postunu itirməsi ehtimalı artır.

“Lids” İngiltərə Premyer Liqasında Çempionşipdən qayıtdıqdan sonra ilk mövsümünü keçirir. 12 turun yekununa görə komanda turnir cədvəlində 18-ci yerdə qərarlaşıb və düşmə zonasında yer alır. Bu müddətdə “tovuz quşları” cəmi 11 xal toplaya biliblər.