“Əgər top klubdasan, buna hazır olmalısan”

“Liverpul”un əfsanəvi yarımmüdafiəçisi Stiven Cerrard komandanın hazırkı baş məşqçisi Arne Slotun mümkün istefası ilə bağlı yayılan xəbərlərə münasibət bildirib.

90deqiqe.Az xəbər verir ki, "Daily Mail" Cerrardın dediklərini belə çatdırıb.

“Bu, bizim yaşadığımız dünyanın reallığıdır. Mən özüm də belə vəziyyətlə qarşılaşmışam. Media tərəfindən bu mövzunun gündəmdə olmasına hazır olmalısan. Xüsusilə də top klubda işləyirsənsə, bundan qaçmaq mümkün deyil”

Xatırladaq ki, niderlandlı mütəxəssis Arne Slot ötən ilin yayında Yurgen Kloppu əvəz edərək “Liverpul”un sükanı arxasına keçib və komandanı son mövsüm İngiltərə Premyer Liqasının çempionu edib.