“Bir nəfər meydanda hər şeyi dəyişə bilməz”

Argentina millisinin və “Mançester Siti”nin sabiq hücumçusu Serxio Aqüero “Liverpul”un forvardı Məhəmməd Salahın 2025/2026 mövsümündəki çıxışından danışıb.

90deqiqe.Az xəbər verir ki, “Stake” sabiq futbolçunun dediklərini belə çatdırıb.

“Böyük oyunçular barədə şübhə etmək olmaz. Salah həmişə yaxşı statistika göstərib. Düşünürəm ki, vəziyyəti düzəldəcək. Bu mövsüm komandanın oyunu ona da təsir edir. Meydanda təkbaşına heç nə etmək olmur”

Hazırkı Premyer Liqa mövsümündə Salah 12 oyunda iştirak edib, 4 qol və 2 məhsuldar ötürmə ilə yadda qalıb. “Liverpul” isə turnir cədvəlində 18 xalla yalnız 9-cu pillədə qərarlaşıb.