“Zirkzi oyunumuzu keyfiyyətcə dəyişdi”

“Mançester Yunayted”in baş məşqçisi Ruben Amorim Premyer Liqanın XIII turunda “Kristal Pelas” üzərində qazanılan 2:1 hesablı qələbəni şərh edib.

90deqiqe.Az-ın məlumatına görə, portuqaliyalı mütəxəssis fasilədə komandasına xüsusi göstəriş vermədiyini deyib:

“Xeyr, fasilədə hansısa ciddi mesaj vermədik. Sadəcə istəyirdik ki, komanda oyunu daha yaxşı oxusun. İlk hissənin son dəqiqələrində gördüm ki, rəqib çətinlik çəkir. Bilirdim ki, bu, ikinci hissədə də davam edəcək. Buna görə də meydandakı bəzi incəlikləri — intensivliyi və qarşılıqlı oyunu artırmağa çalışdıq. Xüsusilə Coşua Zirkzi meydana daxil olduqdan sonra oyunumuz xeyli yaxşılaşdı”, – Amorim klubun mətbuat xidmətinə bildirib.