“Arsenal”da ciddi itki

“Arsenal”ın müdafiəçisi Kristian Moskera zədələnərək 6-8 həftə müddətinə meydançadan kənarda qala bilər. 

90deqiqe.Az-ın məlumatına görə, bu, Premyer Liqanın 14-cü turunda “Brentford”la (2:0) oyunda baş verib. İlk hissənin sonunda 21 yaşlı futbolçu hava mübarizəsindən sonra pis enərək ayaq biləyini zədələyib. London klubu Moskera ilə bağlı sağalmanın iki aya qədər davam edə biləcəyindən narahatdır.

“Arsenal”ın müdafiə problemləri bununla bitmir: əvvəllər əsas mərkəz müdafiəçiləri – Vilyam Saliba və Qabriel Maqalyans da zədələnmişdi. Artetanın sözlərinə görə, Saliba yaxın günlərdə meydançaya qayıda bilər, Qabriel isə sağalma dinamikasına əsasən yanvara qədər komandaya qoşula bilməyəcək.