“Moyes mənə öz səviyyəmə qayıtmağa kömək etdi”

“Everton”un cinah hücumçusu Cek Qriliş klubdakı mövqeyi və baş məşqçi Devid Moyesin ona göstərdiyi dəstək barədə danışıb.

90deqiqe.Az-ın "Sky Sports"a istinadən məlumatına görə, Qriliş bildirib ki, təcrübəli mütəxəssisin ona olan etibarı futbolçuda özünəinamı artırıb:

“Məşqçi mənə öz səviyyəmə qayıtmağa kömək etdi. Oyun və məşqlərdən zövq alıram. Məşqçi mənə inanır və meydanda nələr edə biləcəyimə güvənir. Bu, mənim üçün çox önəmlidir.”

Xatırladaq ki, Qriliş “Everton”da icarə əsasında çıxış edir. O, 2026-cı ilin yayında “Mançester Siti”yə qayıdacaq. Futbolçu Liverpul təmsilçisinin heyətində indiyədək 15 matça çıxıb, 2 qol və 4 məhsuldar ötürmə ilə yadda qalıb.