“Mançester Yunayted" dərhal qələbələr qazanmalıdır”

Dekabrın 9-da “Mançester Yunayted” Premyer Liqada səfərdə “Vulverhempton”la qarşılaşacaq.

90deqiqe.Az-ın məlumatına görə, görüş öncəsi portuqaliyalı müdafiəçi Diogu Dalot komanda yoldaşlarına ciddi çağırış edib.

“Bəzən məsələ sırf futbol bacarığında deyil. Bu mövsüm göstərdik ki, yüksək səviyyədə oynaya bilirik, amma özümüzə dönməliyik. Qələbə istəyi içimizdən gəlməlidir. Bu klub üçün daha çox yanmalı, titullara köklənməliyik. Mən ‘vaxt lazımdır’ demirəm. Biz indi qazanmalıyıq – çünki bu böyük klub bunu tələb edir”

“Qırmızı şeytanlar” hazırda Premyer Liqada 12-ci yerdə qərarlaşıblar.