“Liverpul” ulduz futbolçusu cəzaya məruz qala bilər

“Liverpul”un hücumçusu Məhəmməd Salah son oyunlarda klub və baş məşqçi Arne Slotla bağlı narazılığını açıq şəkildə nümayiş etdirib.

90deqiqe.Az-ın məlumatına görə, misirli futbolçu “Lids”lə oyunda (3:3) qələbəni əldən verən “qırmızılar”ın matçını ehtiyat skamyasında izləyib və qalmaqallı açıqlama verib.

Klub rəhbərliyi Slotu dəstəkləyir, amma Salah üçün cəza mümkündür. O, ehtimal ki, yaxın Çempionlar Liqası matçında “İnter”ə qarşı iştirak etməyəcək və Premyer Liqanın “Brayton”la oyununda da meydana çıxmayacaq.

Qış transfer pəncərəsi boyunca futbolçunun gedişi ilə bağlı mediada müzakirələr davam edəcək, lakin konkret qərar hələ verilməyib.