Haverts “Arsenal”ın əsas hücumçusu ola bilər

“Arsenal”ın hücumçusu Kay Haverts zədəsini sağaldıqdan sonra komandanın əsas forvardı olacaq.

90deqiqe.Az-ın "Daily Mail"ə istinadən məlumatına görə, 26 yaşlı futbolçu mövsümün əvvəlindən sıradan çıxmışdı. Planlaşdırılır ki, Haverts Milad bayramına qədər meydana qayıtsın.

“Topçular”ın baş məşqçisi Mikel Arteta Havertsi start heyətində görmək istəyir. Heç bir gözlənilməz hal baş verməsə, alman oyunçu ispan mütəxəssisin mərkəz hücumçusu seçimində birinci olacaq.

Qeyd edək ki, ötən yay “Arsenal” “Sportinq”dən Viktor Qyökeresi 65 milyon avrodan çox məbləğə transfer edib, lakin futbolçu hələ özünü tam göstərə bilməyib. Eyni zamanda, “9 nömrə” kimi tez-tez nominal yarımmüdafiəçi Mikel Merino da meydana çıxır.