"Salah ağılsız davranıb, Slot isə..."

“Milan” və Niderland yığmasının sabiq hücumçusu Marko van Basten “Liverpul”un hücumçusu Məhəmməd Salah ilə baş məşqçi Arne Slot arasındakı mübahisəyə münasibət bildirib.

90deqiqe.Az-ın "Ziggo Sport"a istinadən məlumatına görə,  veteran futbolçu hesab edir ki, Salah düzgün davranmayıb və ağılsız hərəkət edib.

“Bunu belə izah edərdim: beynində may böcəyi qədər ağıl var. Ötən il çox yaxşı çıxış edirdi, amma bu mövsüm elə də yaxşı deyil. Son bir neçə ayda sadəcə zəif oynayır”

Niderlandlı mütəxəssis əlavə edib ki, mübahisəni Salah başlayıb, Slot isə dürüst və açıq davranıb. Slot Salahı “Inter” ilə keçirilən Çempionlar Liqası oyununa heyətə daxil etməyib.