Salah yenidən “Liverpul”un əsas heyətində

“Liverpul”un hücumçusu Məhəmməd Salah İngiltərə Premyer Liqasının 16-cı turunda “Brayton”a qarşı oyunda start heyətinə daxil edilib. 

90deqiqe.Az-ın məlumatına görə, bu barədə "Sky Sports" məlumat yayıb.

Qərar bu gün futbolçu ilə baş məşqçi Arne Slot arasında keçirilən görüşdən sonra verilib.

Salah son dörd qarşılaşmada start heyətində yer almayıb. Ötən həftə sonu “Lids”lə oyunda ehtiyat oyunçu kimi qaldıqdan sonra futbolçu klub və məşqçiyə qarşı tənqidi açıqlama verərək oyun vaxtının azaldığını bildirib. Bu səbəbdən Salah Çempionlar Liqasının ümumi mərhələ 6-cı turunda “İnter”lə (1:0) oyunda iştirak etməmişdi.

Qeyd edək ki, şənbə günü keçiriləcək oyun Salah üçün bu il “Liverpul”da son matç olacaq, daha sonra o, Afrika Millətlər Kuboku üçün komandadan ayrılacaq.