“Virts hələ ‘Liverpul’da gözlənilən təsiri göstərmir”

“Bavariya”nın sabiq futbolçusu Ditmar Xaman “Liverpul”un yarımmüdafiəçisi Florian Virtsin çıxışını dəyərləndirib.

90deqiqe.Az-ın "Sky Sport"a istinadən məlumatına görə, Xamanın sözlərinə görə, gənc futbolçu İngiltərə Premyer Liqasının tələblərinə hələ uyğunlaşa bilməyib və komandaya gözlənilən təsiri göstərmir.

“Onu oynayanda izləyəndə bəzən elə gəlir ki, öz də ‘Liverpul’da uğur qazana biləcəyinə inanmır.”

Virts İngiltərə Premyer Liqasının cari mövsümündə 14 oyuna çıxıb, amma hələ ki, qol və məhsuldar ötürmə ilə fərqlənməyib. Xaman həmçinin vurğulayıb ki, İngiltərə futbolunun tərzi fərqlidir və Virts hələ bu şəraitə uyğunlaşa bilməyib.