Haland Ronaldonu geridə qoydu

“Mançester Siti”nin hücumçusu Erlinq Haland İngiltərə Premyer Liqasının XVI turunda “Kristal Pelas”a qarşı keçirilən oyunda (3:0) dubla imza atıb.

90deqiqe.Az-ın məlumatına görə, bununla da norveçli futbolçu İngiltərə Premyer Liqası təmsilçiləri heyətində vurulan qolların sayına görə portuqaliyalı Kriştiano Ronaldonu geridə qoyub.

Hazırda Erlinq Haland “Mançester Siti”nin heyətində bütün turnirlərdə keçirdiyi 168 oyunda 147 qol vurub. Kriştiano Ronaldo isə “Mançester Yunayted”də çıxış etdiyi dövrdə 346 oyunda 145 qolla yadda qalıb.

Cari mövsümdə 25 yaşlı Erlinq Haland klubun heyətində bütün turnirlər üzrə 22 oyunda iştirak edib, 23 qol vurub və 3 məhsuldar ötürmə verib.