Qlasner "Kristal Pelas"la müqaviləsini yeniləməyəcək

“Kristal Pelas”ın baş məşqçisi Oliver Qlasner klubla müqaviləsini yeniləməyəcək.

90deqiqe.Az-ın "Carrusel Deportivo"ya istinadən məlumatına görə, 51 yaşlı mütəxəssis mövcud İngiltərə Premyer Liqası mövsümünün sonunda komandadan ayrılacaq.

“Orlular” artıq yeni çalışdırıcının axtarışına başlayıblar. Hazırda prioritet namizəd İspaniyanın “Xetafe” klubundan Xose Bordalasdır.

Qeyd edək ki, avstriyalı çalışdırıcı “Kristal Pelas”a 2024-cü ilin fevral ayında rəhbərlik etməyə başlayıb. Onun klubla müqaviləsi bu yay başa çatacaq. 16 turdan sonra “Kristal Pelas” 26 xalla İngiltərə çempionatının turnir cədvəlində 5-ci pillədə qərarlaşıb.