Xesus “Arsenal”dan ayrılmaq istəmir

Ağır diz zədəsindən sonra uzun müddət yaşıl meydanlardan uzaq qalan Qabriel Xesus bu yaxınlarda “Arsenal”ın heyətinə qayıdıb. Qış transfer pəncərəsində mümkün gedişi ilə bağlı yayılan iddialara baxmayaraq 28 yaşlı hücumçu “topçular”da qalmaq istədiyini bildirib.

90deqiqe.Az xəbər verir ki, "Players Tribune" futbolçunun dediklərini belə çatdırıb.

“Mən hiss edirəm ki, “Arsenal”da hələ yarımçıq qalan işlərim var. Getmək istəmirəm”

Braziliyalı futbolçu təxminən bir il oyunlardan kənarda qalmışdı. Sağalmasından sonra Xesus artıq iki dəfə London klubunun formasını geyinib.

Qabriel Xesusun “Arsenal”la mövcud müqaviləsi 2027-ci ilin ortalarına qədər qüvvədədir. Transfermarkt portalı forvardın bazar dəyərini 20 milyon avro olaraq qiymətləndirir.