"Haverts tezliklə komandaya qayıda bilər"

"Arsenal"ın baş məşqçisi Mikel Arteta komandanın hücumçusu Kay Havertsin sağlamlıq vəziyyəti və bərpa prosesi barədə danışıb.

90deqiqe.Az-ın məlumatına görə, təcrübəli çalışdırıcı bu barədə klubun rəsmi saytına açıqlamasında bildirib.

"Son bir neçə həftə ərzində o, çox yaxşı və sürətlə irəliləyiş göstərir. Əgər növbəti məşqlərdə də vəziyyət belə davam edərsə, o, tezliklə komandamıza qoşulacaq. Konkret vaxt demək istəmirəm, çünki uzun müddət kənarda qaldıqdan və reabilitasiyadan keçdikdən sonra diqqətli olmalıyıq. Addım-addım hərəkət etməliyik ki, o, uzun müddət qayıtsın"

Qeyd edək ki, Kay Haverts İngiltərə çempionatının 1-ci turunda "Arsenal"–"Mançester Yunayted" (1:0) matçı zamanı dizindən zədə almışdı.