“Evdə qol vurmaq mənim üçün xüsusi an oldu”

“Mançester Siti”nin yarımmüdafiəçisi Teyani Reynders “Vest Hem” üzərində 3:0 hesablı qələbədən sonra ilk ev qolunu vurmasının öz karyerası üçün əhəmiyyətini qeyd edib.

90deqiqe.Az xəbər verir ki, 27 yaşlı futbolçu bu barədə jurnalistlərə açıqlamasında deyib.

“Ev oyununda qol vurmaq çox xoşdur. Uzun müddət gözlədim və nəhayət bu gün mənim günüm oldu. Komanda olaraq qələbə qazandığımız üçün də çox sevincliyəm. Holandın ötürməsi möhtəşəm idi. O, Şerkidən topu aldı və mənə çox sürətli şəkildə pas verməli idi. Bundan sonra mənim üçün qol vurmaq şansı yarandı”

Qeyd edək ki, bu gün keçirilmiş Premyer Liqa görüşündə Reynders “Mançester Siti”nin “Vest Hem” üzərində qazandığı 3:0-lıq qələbədə fərqlənib.