“Mançester Siti" ilə rəqabətə fokuslanmırıq”

“Arsenal”ın baş məşqçisi Mikel Arteta İngiltərə Premyer Liqasının XVII turunda “Everton” üzərində minimal hesablı qələbədən (1:0) sonra “Mançester Siti” ilə çempionluq mübarizəsi barədə danışıb.

90deqiqe.Az xəbər verir ki, "ESPN" təcrübəli çalışdırıcının dediklərini belə çatdırıb.

 “Biz buna diqqət yetirmirik. Bilirəm ki, siz diqqət edirsiniz. Nəzarət edə bildiyimiz yeganə şey öz oyunumuz və nəticələrimizdir. Bu mübarizənin nə qədər davam edəcəyini və liqanın nə qədər çətin olduğunu yaxşı bilirik.

Bu qədər. Hər gündən zövq alırıq, əlimizdən gələni edirik və sonda nə olacağını görəcəyik”

Hazırda turnir cədvəlində “topçular”ın 39, “şəhərlilər”in isə 37 xalı var.

Qeyd edək ki, “Arsenal” növbəti turda, dekabrın 27-də öz meydanında “Brayton end Houv Albion”u qəbul edəcək.