“Virtsin gələcəyi yayda müəyyən ediləcək”

Keçmiş tanınmış futbolçu Ditmar Xaman “Liverpul”un hücum yarımmüdafiəçisi Florian Virts barədə fikirlərini bölüşüb.

90deqiqe.Az xəbər verir ki, "AS" sabiq futbolçunun dediklərini belə çatdırıb.

“Milad yaxınlaşır, amma o hələ də qol vura bilmir. Bu nə qədər davam edəcək? Klub onu müdafiə edir. Nəsə baş verməlidir. Əgər vəziyyət fevral-martadək dəyişməsə, yayda gələcək addımlar barədə qərar verilməlidir. 140 milyon avroya transfer edilmiş oyunçunu bir il boyunca ümidlə gözləmək olmaz, hətta o gənc olsa da. Lakin qışda o gedəcək deyə bir şey yoxdur. Yalnız Xabi Alonso onu komandada görmək istəsə, bu mümkündür”.

Qeyd edək ki, keçən həftəsonu Florian Virts Premyer Liqa matçında ilk məhsuldar ötürməsini həyata keçirib.