“Mançester Siti”nin əsas məqsədi qalibiyyət və trofeylərdir”

“Mançester Siti”nin müdafiəçisi Ruben Dias komandanın titul uğrunda ambisiyalarını vurğulayıb.

90deqiqe.Az xəbər verir ki, "Daily Mail" portuqaliyalı futbolçunun dediklərini belə çatdırıb.

“‘Mançester Siti’yə keçəndə bilirdim ki, böyük təzyiq altında olacağam. Burada həmişə qalibiyyət və trofeylər gözlənilir. Sadədir. Mən qazanılmış trofeylərdə artıq öz töhfəmi verdiyim üçün fəxr edirəm. Lakin bilirəm ki, bu heç vaxt kifayət etmir. Biz qalib gəlməyə davam etməliyik”.

Hazırda “Mançester Siti” Premyer Liqa cədvəlində ikinci yerdədir və “Arsenal”dan 2 xal geri qalır (37-39). Xatırladaq ki, keçən mövsüm İngiltərə çempionu “Liverpul” olub.